Wednesday, October 15, 2008

ანგარიში – ფრე, შედეგი – მარცხი

ქეთი ჯიბლაძის რეპორტაჟი ,,დინამოს ეროვნული სტადიონიდან"
11 ოქტომბერი, 2008
საქართველოსა და კვიპროსის ეროვნული ნაკრებებს შორის მატჩი ფრედ დასრულდა და შედეგად ქართველი ფეხბურთელების მიზანი - მსოფლიო ჩემპიონატის შესარჩევ ტურში მოხვედრა - ბევრად რთული მისაღწევი გახდა.

11 ოქტომბერს “დინამოს“ სტადიონზე გამართული მატჩი დებიუტი იყო საქართველოს ნაკრების ახალი მწვრთნელისთვის. თამაშის დაწყებამდე ექტორ რაულ კუპერი გვარწმუნებდა, რომ ლუკა რაზმაძის ძირითად შემადგენლობაში გამოჩენა სასარგებლო ცვლილება იქნებოდა და ქართველები კარგ თამაშს შემოგვთავაზებდნენ. როგორც ყოველთვის, მატჩის დაწყებამდე ფეხბურთელების განწობა საბრძოლო იყო, პროგნოზი კი საიმედო მაგრამ, მატჩი ისევე ჩაატარეს ქართველებმა, როგორც მრავალი სხვა - არაფერი ახალი და სანუგეშო - უშედეგო შეტევები, სახიფათო მდგომარეობებისა და კონტრშეტევების განსამუხტად წესების ხშირი დარღვევა, წაგებული საჰაერო ორთაბრძოლები, არაზუსტი ჩაწოდებები, ქართველების, გოლად ქცეული, უხეში შეცდომა დაცვის ხაზში და წამიერი გამოფხიზლებისას გატანილი საპასუხო ბურთი.

მაყურებელმა საათნახევრით ადრე დაიწყო შეგროვება. სკამების ჭრელი საზურგეები ნელნელა გულშემატკივრებმა დაფარეს. ზოგს სახე მოეხატა საქართველოს დროშით, ზოგიც ფერადი საზეიმო კოსტიუმით იწონებდა თავს. უხვად აქვთ მომარაგებული ბურბუშელა და მზესუმზირა.

მონაცვლეობით ისმოდა გაურკვეველი პრინციპით შერჩეული სხვადასხვა ჟანრისა და განწყობის მუსიკა, რომელსაც ფონად გასდევდა გენერალური სპონსორის, “მადნეულის” რეკლამა.


მატჩს ესწრებოდა ფიფას პრეზიდენტი იოზაფ ბლატერი. თამაშის დაწყებამდე მას სიტყვით სურდა გამოსვლა, მაგრამ მიკროფონის გაუმართავობის გამო მხოლოდ მოთამაშეებისათვის ხელის ჩამორთმევას დასჯერდა.

“დინამო” ერთადერთი სტადიონია საქართველოში, რომელიც ევროპულ სტანდარტებს აკმაყოფილებს, თუმცა ბალახის საფარის გარშემო განლაგებული ბანერები მაინც მძიმე მასით გავსებულ ტომრებს უჭირავს.

მაყურებელი გამაყრუებელი ყიჟინით შეხვდა ეროვნულ ეროვნულ ნაკრებს, კვიპროსელებს კი თითქოს ბევრი არავინ ჰყავდათ გამამხნევებელი - მათი გულშემატკივრების ხმა არ ისმოდა. საქართველოს ჰიმნის გაგონებაზე ყველანი ფეხზე ფეხზე ადგა. ქართველი გულშემატკივარმა სტვენით შეზავებული თავშეკავებით მოისმინა კვიპროსის ჰიმნი.
მონეტის აგდების შემდეგ, გამაყრუებელი შეძახილების ფონზე, დაიწყო თამაში. თითოეულ სახიფათო მომენტს გულშემატკივრები ისევე განიცდიდნენ, როგორც მოთამაშეები - ყვიროდნენ, უსტვენდნენ, ელდანაკრავებივით წამოიჭრებოდნენ ხოლმე ფეხზე მითითებებით “ეე, ბურთი გაასწორე ბიჭო-ო!” ,,ცოტა მარჯვნივ!!.. “ აღარაფერს ვამბობ უცენზურო სიტყვებზე...

კვიპროსელებს თამაშის ფრედ დამთავრებაც ხელს აძლევდათ, ამიტომაც დროის გასაყვანად უამრავ ფანდს იყენებდნენ. ამაზე გულშემატკივრები განსაკუთრებით მწვავედ რეაგირებდნენ და სმენისწამღებად უსტვენენ. მოწინააღმდეგის სულ მცირე შეცდომაზეც კი, სიხარულის ყიჟინას იწვევდა. გულშემატკივრების აქტიურობისა და თანადგომის მიუხედავად, ქართველებს გაუიჭირდათ კვიპროსელების ფეხბურთის ოსტატობით ძლევა. საქმეში აკრძალულ მეთოდები შევიდა და “ფეხჩართული” ბრძოლა გაჩაღდა. შედეგიც შესაბამისია – პირველი ტაიმის ბოლოს ორი კვიპროსელი ფეხბურთელი გაიყვანეს მოედნიდან საკაცით.

მიუხედავად ქართველი მაყურებლების დაჟინებული მოთხოვნისა, პირველი ტაიმი გოლის გარეშე დასრულდა. შესვენებისას მოედანთან ერთად სტადიონიც დაცარიელდა.


ახალი ტაიმი ახალი იმედებით დაიწყო, მაგრამ ქართველებს კიდევ უფრო გაუძნელდათ თამაში - გამუდმებით თავის დაცვა და შეტევების მოგერიება მოუწიათ. უხეში თამაში დაუსჯელი არ დარჩა და პენალტი დაინიშნა ქართველების კარში, რასაც ხმაური და სტვენა მოჰყვა. ეს პირველი პენალტი გახლდათ ეროვნული ნაკრების ისტორიაში, რომლის აღებაც შეძლო ჩვენმა მეკარემ. თუმცა, ეს ხმაური რა მოსატანია იმ ყიჟინასთან, რომელიც სიმწრით აღმოხდა ქართველ მაყურებელს, როცა კონსტანტინუს ნასროლი ბურთი ქართველების ჩვენი კარის ბადეში გაეხვია 66-ე წუთზე. რამდენიმე იღბლიან გულშემატკივარს ტრიბუნებში გადავარდნილი ბურთები ერგოთ.

გულშემატკივარებს იმედები განუახლდათ, როცა 73 წუთზე სტუმრებს ბუმერანგივით დავუბრუნეთ მათი გატანილი გოლი. ამ წარმატებით დაიმედებული მაყურებული დაჟინებით ითხოვდა მორიგ გოლს, მაგრამ ამაოდ. სწორედ ემოციური კულმინაციის დროს დასრულდა თამაში. ანგარიშით – ფრე და ფაქტობრივად ქართვალების მარცხით – ჯგუფიდან გასასვლელად ჩვენს ფეხბურთელებს მხოლოდ 2 ქულა უნდა მოეპოვებინათ.


საქართველო: ლომაია , ლობჟანიძე, სალუქვაძე, ხიზანიშვილი, შაშიაშვილი, მენთეშაშვილი, კობიაშვილი, რაძმაძე, ყენია (64.გოცირიძე), იაშვილი, მჩედლიძე(75.ალექსიძე)

მწვრთნელი: ექტორ რაულ კუპერი

კვიპროსი: გიორგალიდისი, ხარალამბუსი, ანდრეას კონსტანტინუ, ხრისოსტომოსი(37. ნიკულაუ), ხარალამბიდისი, ილია (82.ლამბრუ), გარპოზისი, მაკრიდისი, ოკასი, მიქაელ კონსტანტინუ, ალონეფტისი(90.პანაგი).

მწვრთნელი: ანგელოს ანასტასიადისი

გოლები: 0:1 მიქაელ კონსტანტინუ (66),

1:1 კობიაშვილი (73) გაფრთხილება:

სალუქვაძე (52), ხიზანიშვილი (81), ალექსიძე (85), ხარალამბიდისი (32), ანდრეას კონსტანტინუ (90) მსაჯი: რ.მატიჟეკი (ჩეხეთი) ჯარიმა: 15-13; კარში დარტყმა: 3-5; კუთხური:7-6; თამაშგარე: 4-1




ქეთი ჯიბლაზე

4 comments:

Internet Media said...

kaia, rom bevr rames daakvirdi da marto mshrali faqtebit ar shemoifargle. tumca emociebi zoggan gadacharbebuli mechveneba. zogi fraza zedmetad chaxlartulia, magalitad "kviproslebis fexburtis ostatobit zleva." albat cota msubuqadac seizleboda, mainc fexburtia:)

Internet Media said...

da Cveni saxelebi rom mivuweroT xolme, ar jobia?... yvela erTi Useria aq...

mag. Nino Gogua

Internet Media said...

qetii,momecona sheni statia.tviton temac zalian saintereso iko da shen,rogorc avtors,es tema sakmaod saintereso kutxit gqonda danaxuli.makvs ramdenime shenishvna,romelic shegizlia chems subieqtur azrad chatvalo da ar gaitvaliscino:)nacershi gqonda iseti cinadadeba,romelic tavisi sididit mtlian abzacs sheadgenda da, vpikrob,es cota ar ikos shens nacers rtulad agsaqmels xdida.jobda martivi da mokle txrobiti cinadadebebit kopiliko dacerili.iko agretve droebis agreva,rodesac shen gulshematkivarta mogrovebis shesaxeb saubrobdi.aseve shevnishne ori shecdoma,romelic albat bechdvis dros gaparul lapsusad unda agviqvat da es albat redaqtoris shecdoma uproa:"erovnul erovnul nakrebs..."da "...pexze pexze adga."agretve iko gramatikuli shecdomebic:"qartveli gulshematkivarma stvenit shezavebuli tavshekavebit moismina kviprosis himni;" "mocineegmdegis sul mcire shecdomazec ki, sixarulis kijinas icvevda."
rogorc ukve agvnishne momecona shen mier archeuli tema da movlenebis danaxvis parto areali,magram im shecdomebs tu agar gaimeoreb rac aq daushvi,sheni naceri upro epekturi da shtambechdavi iknebaa.
sikvarulit,mari ozashvili:)

Internet Media said...

keti, mesmis rom znelia dacero amxela reportaji pexburtze da gamovides zalian saintereso. axla Chems Shexedulebas gagiziareb:
lidshi scorad gaamaxvile xuradgeba matchis shedegze, magarm satauri cota gaugebaria, lidshi ambob, rom `msoplio chempionatze gasvla bevrad rtuli misagcevi gaxda,- tumca es jer kidev ar nishnavs sheuzlebels, mashin sataurshi ratom cer rom shedegi marcxia? bolos ki ambob rom 2 kula unda mogvepovebina, anu chavrchit jgufshi tu ara gaugeberia.

momecona rom svam problemas, mikroponis gaumartaoba, banerebi da a.Sh.
zedmeti emocia chans, roca cer rom araferi axali da sanugesho da sxv. albat asecaa magram modi tviton gamoitanis mkitxvelma eg daskvna.
ratom ar ceria statiaSi romelma kartvelma gaitana goli? xom es aris xvelaze mtavari?
chans, rom shen xuradgebit akvirdebodi tamashs, maxurebels da kargia rom dacere ra xdeboda stadionze, vigaca xviroda tu igineboda tu ragac.
ramdenime stilisturi gaumartaobaa cinadadebebshi, pexChartul brzolaze minda vtkva, jobda pirdapir dagecera rom ertmanets urtxamdnen am pexs (sxvanairad araperia arabunebrivi imashi rom pexchartuli brzola ixo stadionze, fexburti eg aris), kviproselebis pexburtis ostatoba kidev arascoria gramatikulad, kviproselebis pexburti ar arsrbobs,stvenit shezavebuli tavshekavebulobac sadao cinadadebaa.
kargi ikneboda pexburtelta suratebic, magram mesmis rom es zneli gasaketebelia.
mokled zalian ki gagakritike magram arauSavs imedia :)) xochag, rom amdeni dro daxarje am davalebaze :)) tutana :))))))))))