Saturday, November 22, 2008

ქუჩის ,,კოლორიტები”

ქეთი წურწუმია
თბილისი, 22 ნოემბერი, 2008 წელი







რაღა მაინცდამაინც ძაღლები?
ძაღლები იმიტომ, რომ არ მიყვარს.
ქუჩის ძაღლები კი იმიტომ, რომ
მათი ,,წყალობით” არაერთხელ
თავპირისმტვრევით მირბენია.






ძაღლები, ეს ოთხფეხა, უწყინარი (ეს ზოგიერთისთვის სადავოა) ცხოველები, ქართულ საზოგადოებაშიც ,,დაფასებულები არიან” და ბევრ ქართულ ოჯახში ,,საპატიო ადგილიც” უკავიათ. მათ ისე უვლიან, როგორც ოჯახის სრულუფლებიან წევრებს.
ძაღლის მოვლა-პატრონობა კი საკმაოდ ძვირი ჯდება. ახალდაბადებულს ესაჭიროება ,,პასპორტი” (ალბათ, იმის დასტურად, რომ ნამდვილად ძაღლია). აცრები - ძაღლის ჯანმრთელობისთვის და კიდევ იმისთვის, ვინმეზე კბილი თუ წასცდა, დასამშვიდებლად აცრილიაო რომ ვუთხრათ. საკვები - რომლის რეკლამის ყურებისას, ძაღლის რა მოგახსენოთ, მაგრამ მშიერ კაცს კი ნერწყვი მოადგება სანამ პოტენციური მომხმარებლის ვინაობას გაარკვევს. ვარჯიში, გაწვრთნა და ათასი სხვა რამ.
თუმცა, ყველას ასე როდი უმართლებს. ოჯახებში მარტო ..იღბლიანი” ძაღლები ხვდებიან. ,,უიღბლო” ძაღლების სახლი ქუჩაა. ქუჩაში ისინი იბრძვიან გადარჩენითვის, საკვებს ნაგავსაყრელებზე ეძებენ და ერთმანეთთან ჩხუბში იწვრთნებიან.
მაწანწალა ძაღლებს მრავლად შეხვდებით ჩვენი ქალაქებისა და რაიონების ნაგავსაყრელებზე. ასეთი ძაღლები კი პრობლემას წარმოადგენენ. მათ აცრებს არავინ უკეთებს და შესაბამისად არაერთი დაავადების მატარებლები არიან. თუ მაწანწალა ძაღლმა ვინმეს უკბინა, ეს რეალურ საფრთხეს უქმნის მის ჯანმრთელობას.

ქუჩის ძაღლებზე ,,ზრუნვა” კეთილმოწყობის სამსახურის (რომელიც ყველა ქალაქში ფუნქციონირებს) მოვალეობაში შედის. ,,ფურგონიანი” მანქანა მოსახლეობის განცხადების, თხოვნის (ან მოთხოვნის) საფუძველზე მიდის აღნიშნულ ადგილას და დასახლებას მაწანწალა ძაღლებისგან ,,წმენდს”. გარდა ამისა, კეთილმოწყობის სამსახური ყოველკვირეულად ამოწმებს ქუჩებ. ამ სამსახურის წარმომადგენლები ძაღლებს დაჭერისას ნემსს უკეთებენ და აძინებენ რომ არ უკბინონ, შემდეგ კლავენ და მათთვის განკუთვნილ სასაფლაოზე მარხავენ. ძაღლების ,,სასაფლაო” ნაგავსაყრელის ტერიტორიაზე მდებარეობს.
ქუჩის ძაღლების არც თუ ისე შემცირებული რაოდენობის ფონზე, ცოტა არ იყოს ძნელი დასაჯერებელია ზემოთ აღნიშნული სამსახურის მუშაობის ეფექტურობა. თუმცა, როგორც რამდენიმე საავადმყოფოს მთავარმა ექიმებმა აღნიშნეს, 2008წელს ქუჩის ძაღლების მიერ მოსახლეობის დაკბენის ფაქტები წინა წლებთან შედარებით შემცირდა. მერიის კეთილმოწყობის სამსახურის განცხადებითაც, წელს მაწანწალა ძაღლების რაოდენობის ზრდა არ შეინიშნება. როგორც ჩანს, ქუჩის ძაღლებმა პირადს ისევ ეროვნული ინტერესები არჩიეს და ომისგან ისადაც დაზაფრულ ხალხს ზედმეტი პრობლემები არ შეუქმნეს.

4 comments:

Internet Media said...

qeti, Zaglebi ratom ar giyvars?

Nino Gogua said...

რაღა მაინცდამაინც ძაღლები?
ძაღლები იმიტომ, რომ არ მიყვარს." <- chemtvis sakmarisia, rom statiis kiTxva aRar gavagrZelo...

mapatie

Internet Media said...

qeti kargi iqneboda tu komentarebi geqneboda shens statiashi,mag. xalxis romelTac awuxebt es Zaglebi an vinme, visac ukbina am zaglma da a.sh...
TamTa shkubuliani(=

Internet Media said...

keti, momecona rom iumorit saubrob, advilad ikitxeba da saxalisod, tumca visurvebdi rom ufro shinaarsiani xopolixo tema, upro jurnalisturi, magalitad ra problemas kmnian es zaglebi da rato gaxda sachiro rom jurnalists amistvis xuradgeba mieqcia, komentarebi daamshvenebda temas.

tutana :))