Friday, January 16, 2009

ზამთრის არდადეგები


სათხილამურო სეზონი კარგა ხანია გახსნილად გამოცხადდა და ბევრმა თბილისელმაც ზამთრის კურორტებისკენ აიღო გეზი. ტურისტული სააგენტოები და სასტუმროები მრავალფეროვან მომსახურებას თავაზობენ როგორც ხელმოკლე დამსვენებლებს, ისე იმ კონტინგეტსაც, ვისაც ჯიბეში ზედმეტი ფული უჩხრიალებთ. იმის გასარკვევად თუ რა არჩევანი არსებობს და რა ფასად, წაიკითხეთ ქეთი წურწუმიას ზამთრის არდადეგების მოგება-ზარალის უწყისი.

მათ, ვისაც დასვენების დამოუკიდებლად დაგეგმვა ეძნელებად, გიდობას ტურისტული სააგენტოები უწევენ. 21 წლის ავთო ბერუაშვილი ხშირად სააგენტოებს მიმართავს. “ტურისტულ კომპანიების დახმარებით ხშირად ვსარგებლობ და კმაყოფილი ვარ,” ამბობს ავთო. “ნორმალურ სასტუმროში კარგი მომსახურება და ხელმისაწვდომი ფასებიც არის.”

უნდა აღინიშნოს, რომ სააგენტოების სერვისი საკმაოდ ძვირი სიამოვნებაა. დამოკიდებულია კონკრეტულ პაკეტურ მომსახურებაზე.

ბაკურიანში წასვლის მსურველებს ტურისტული სააგენტო ,,Georgia Touri"-ი 360 ლარად 10-დღიან დასვენებას სთავაზობს საოჯახო სასტუმროში სამჯერადი კვებით. იმ შემთხვევაში, თუ მოწადინებული ხართ კომფორტული პირობების ხათრით ღამეში 250 ლარი გადაიხადოთ, თქვენს განკარგულებაშია სასტუმრო ,,თბილისი”.

გუდაურში საოჯახო სასტუმროში ერთი ღამით დარჩენის საშუალო საფასური 40 ევროა. ტურისტული სააგენტო ,,Sky Georgia" ბაკურიანში 3-დღიან დასვენებას 4-ვარსკვლავიან სასტუმროში 600 ლარად, ხოლო 3-ვასრკვლავიან სასტუმროში 300 ლარად გთავაზობთ. ტურისტული სააგენტოს შუამავლობის გარეშე გუდაურში 4-ვარსკვლავიან სასტუმროში დასვენება 1000 ლარი, ხოლო 3 ვარსკვლავიანში – 500 ლარი დაგიჯდებათ.

,,ინტურისტი საქართველო" მომხმარებელს ბაკურიანში დასვენებას 60, ხოლო გუდაურში 100 ლარიდან სთავაზობს. არსებობს სიახლე პატარა დამსვენებლებისთვის. ეწყობა სპორტტურები 6-დან 16 წლამდე სკოლის მოსწავლეებისთვის, რომლის საფასურიც 600 ლარია. “მომხმარებელს ვთავაზობთ კომფორტულ დასვენებას და მაღალი დონის მომსახურებას, ფასს განსაზღვრავს დამსვნებლის მიერ არჩეული პერიოდი, სასტუმროს სახეობა. ერთი სიტყვით ის პაკეტი, რომელსაც ირჩევს მომხმარებელი,” – აღნიშნა "N Tour"-ის ტუროპერატორმა.

`მოგზაურთა კლუბი~ ბაკურიანსა და გუდაურში საოჯახო სასტუმროებში ერთი ღამის გატარებას 50 დოლარად გთავაზობთ, "Geo Atlas Tour"-ის მომსახურებით სარგებლობას თუ გადაწყვეტთ, გაითვალისწინეთ, ერთი ღამის საფასური 30 ლარიდან იწყება.

თუ ტურისტული სააგენტოების მიერ შემოთავაზებული ფასები გეძვირათ და თვლით, რომ მათთვის გადახდილი თანხა ზედმეტი ხარჯია, ბაკურიანსა და გუდაურში ერთი ღამით ბინის დაქირავება 30-40 ლარი დაგიჯდებათ.

19 წლის ხატია გელოვანი ამბობს რომ ტურისტული სააგენტოების გარეშეც მშვენივრად ახერხებს დასვენებას. “ბინას ვქირაობ, მართალია, საკუთარ თავს თავად ვემსახურები, მაგრამ შედარებით ნაკლები თანხის გადახდა მიწევს,” – ამბობს ხატია.


4 comments:

I-მედია said...

ქეთ, სათაური არ მომწონს, რაღაც არამიმზიდველად გამოიყურება :(

I-მედია said...

უი, სახელის დაწერა დამავიწყდა
ნინო გელაშვილი

I-მედია said...

statiidan realurad ragac informaciis migeba sheidzleba. magram, ratomgac cakitxvis shemdeg iseti shtabechdileba damrcha, rom statias ragac aklia. sheidzleba, dzalian patraa da amis gamo.
imedia, vinc zamtris kurortebze apirebs casvlas, shen mocodebul informacias gamoikenebs :D

keti todua

I-მედია said...

ქეთ, სტატია ისეთი ფორმითაა დაწერილი, რომ რჩება ზალიან სერიოზული დაუკმაყოფილებლობის განცდა. არ ვიცი, მომეჩვენა თუ რეალურად ასე იყო, მაგრამ ძალიან ნაჩქარევად ხომ არ დაწერე?
ქეთი თიკანაშვილი