Thursday, December 18, 2008

სილამაზის მსხვერპლნი

თამთა შკუბულიანი
თბილისი. 18 დეკემბერი, 2008.


თბილისში არასეზონურად გარუჯული გოგონების გამოჩენა მომრავლებული სოლარიუმების დამსახურებაა. ქალბატონები არაფერს დაუდევენ ჯანმრთელობისთვის შესაძლო რისკებს და, ყოველგვარი გადამეტების გარეშე, გულისწასვლამდე ირუჯებიან ფლურესენციულ მაყალზე. საკუთარი გარეგნობის სრულყოფის სურვილმა მამაკაცებიც შეიპყრო და დღეს არაერთი ქართველი ვაჟკაცი ნებიერად ეფიცხება ულტრაიისფერ სხივებს.

სოლარიუმში გატარებული რამდენიმე წუთი უკეთეს ეფექტს იძლევა ვიდრე თაკარა მზის ქვეშ ქანცის გაწყვეტამდე წოლა. ეს ერთი შეხედვით მოხერხებული მეთოდი შეიძლება ჯანმრთელობისთვის საზიანო იყოს, განსაკუთრებით თუ არ შესრულდა სათანადო პროცედურები, რაც საქართველოში ყოველთვის არ ხდება.

ექიმები ამბობენ, რომ სოლარიუმის რეგულარული გამოყენება დაუშვებელია, ვინაიდან 20-30 ვიზიტი შეიძლება სამი სახის კანის კიბო გამოწვევი მიზეზი გახდეს. ზოგადად, კიბოს მზის რადიაციაც იწვევს, თუმცა ულტრაიისფერი გამოსხივების შედეგად დაავადების რისკი დაახლოებით 10%-ით იზრდება.

ეს რისკები ბანოვანთა ენთუზიაზმს სულაც არ ანელებს. ,,ბუნებრივ ნარუჯს ნამდვილად არ ჯობია, მაგრამ ზამთარია და რა უნდა ქნა?” – კითხულობს 18 წლის თეონა გაგნიძე. ასეთ გამოუვალ მგომარეობაში, სხვა რა დაგრჩენიათ თუ არა მიმართოდ სოლარიუმს, რათა თანაბრად შეფერილი და გაკრიალებული კანით შეყვარებულებსა თუ ნაცნობ-მეგობრებს მოაწონოთ თავი.

ქალის გარეგნული სილამაზის მთავარ შემფასებელთა – მამაკაცთა შეხედულება გარუჯულ კანზე არაეთგვაროვანია. 23 წლის ლევან მიქელაძეს მოსწონს გარუჯული გოგონები, მაგრამ აქვე დასძენს კანის ფერი ბუნებრივად უნდა გამოიყურებოდეს.

ლაშა ნიკურაძე კი საერთოდ იწუნებს შავგვრემან გოგონებს. ,,ეს გარუჯომანია მაგარი არ მევასება, და მითუმეტეს ზამთარში რო ხედავ ტიპი ისეთი შავია, რომ აშკარად შეატყობ მთელ დღეს სოლარიუმში ატარებს”, - ამბობს ლაშა.

20 წლის გიო თოლორდავას შეხედულება უფრო ნეიტრალურია. ,,მე გართულება არ მაქვს სოლარიუმში დაზაგრულ გოგოებზე, იმას მაინც ჯობია ტონა ,ზაგარნი’ კრემები რო ადევთ ხოლმე სახეზე.”

ხელოვნური გარუჯვის ნოუ-ჰაუ გერმანელებს ეკთუვნით და დღეს ეს პრაქტიკა მთელ მსოფლიოშია გავრცელებული. გერმანული ფირმა ,,ერგოლაინის” სოლარიუმები საქართველოში სულ რამდენიმე წელია რაც შემოვიდა. არსებობს დასაწოლი და აგრეთვე უფრო თანამედროვე -- დასადგომი ე.წ. ტურბო სოლარიუმები. 1 წუთის ფასი 1,50-დან 2,50 ლარამდე მერყეობს.

ყოველდღიურად სოლარიუმში სიარული რომ არ შეიძლება, ამას სალონის მომსახურე პერსონალიც გვეუბნება. თუმცა ხდება ისეც, რომ კლიენტებს “გულს არ წყვეტენ” და უარს არ ეუბნებიან ყოველდღიურ სიამოვნებაზე.

ყოფილა ისეთი შემთხვევები, როცა გოგონებს გული წასვლიათ, მიუღიათ დამწვრობა ან ცუდად გამხდარან გამოსხივებისგან. Bლოოდ დრომდე ხელოვნური მზის აბაზანების მოყვარულმა ქეთი აბაშიძემ ხელი აიღო სოლარიუმში სიარულზე მას შემდეგ, რაც ერთხელ კაბინაში გონება დაკარგა. ,,სოლარიუმში რეგულარულად დავდიოდი, თუმცა ახლა აღარ დავდივარ”, - ამბობს 20 წლის ქეთი. “12-15 წუთიც ვყოფილვარ, მაგრამ არაფერი მომსვლია. თუმცა, იყო ერთხელ შემთხვევა, როცა 10 წუთიც ვერ გავძელი და გული წამივიდა. რაც ყველაზე მთავარი იყო როცა აზრზე მომიყვანეს, მეუბნებოდნენ, რომ შენ არაფერი არ მოგსვლია, უბრალოდ ჩაიკეცე, ალბათ დაიღალე, გული არ წაგსვლაო.”

სოლარიუმის თანამშრომლები ასეთ შემთხვევებზე პასუხიმგებლობას არ იღებენ. პოპულარულ სილამაზის სალონ ,,ნატალიში” მიაჩნიად კლიენტებმა თავად უნდა იზრუნონ საკუთარ ჯანმრთელობაზე. ,,ჩვენ ვაფრთხილებთ, რომ რეგულარული სიარული და ყოველდღე 10-15 წუთი დგომა არ შეიძლება, მაგრამ მაინც მოდიან იმ იმედით, რომ არაფერი არ მოუვათ. თუ რაიმე ასეთი შემთხვევა მოხდება პასუხისმგებლობას ნადვლად არ ვგრძნობთ”, - განაცხადა ,,ნატალის” თანამშრომელმა, რომელაც საკუთარი სახელისა და გვარის დასახელება არ მოისურვა.

სილამაზის სალონი “ფემინაშიც” საუბრობენ გვერდით მოვლენებზე, თუმცა მიაჩნიათ, რომ ზოგჯერ კლიენტები უსაფუძვლოდ მიზეზობენ. “ხშირად კანი უწითლდებათ ხოლმე და ჰგონიათ, რომ ეს სოლარიუმის ბრალია. სინამდვილეში ასე არ არის. კანის ფერს გააჩნია, ვინც ძალიან თეთრია იმას კანი გაუწითლდება, ისევე როგორც მზეზე და მას მეტი დრო დასჭირდება სასურველი ფერის მისაღებად”, - განაცხადეს კომანიის ოფისში.

ხელოვნური გარუჯვის შემდეგ საჭიროა სპეციალური კანის საცხის ხმარება, რომლითაც საზღვარგარეთ ,,ერგოლაინის” თითქმის ყველა სოლარიუმში კლიენტები უფასოდ სარგებლობენ. ჩვენთან კი უნდა შეიძინოთ თუ, რაღა თქმა უნდა, გსურთ კანი არ დაგეწვათ.

იმუნიტეტის დაქვეითების გარდა, სოლარიუმი სხვა რისკების მატარებელიცაა. ყოველი პროცედურის შემდეგ აუცილებელია კაბინის ზედაპირის გაწნემდა სპეციალური ხსნარის მეშვეობით, ვინაიდან ზედაპირზე რჩება თვალით უხილავი ბაქტერიები, რომლებიც იწვევენ ხშირად კანის დაავადებებს, როგორიცაა ფსორიაზი ან ეგზემა. თბილისში, რამდენადაც რესპონდენტები ამბობენ, ყოველი პროცედურის შემდეგ ნამდვილად არ იწნიმდება სოლარიუმები, მით უმეტეს, სპეციალური ანტიბაქტერიული ხსნარის მეშვეობით.

სოლარიუმს, როგორც აღმოჩნდა, აქვს დადებითი მხარეც. როგორც პროფესორმა მარინა ნოზაძემ გვითხრა,…იგი ზრდის კანში D ვიტამინის შემცველობას, რომელიც, თავის მხრივ, მნიშვნელოვანი და სასარგებლოა სხვადასხვა ადამიანური ფუნქციების რეგულირებისათვის, როგირცაა სისხლის მიმოქცევა. ეს ვიტამინი კალციუმისა და ფოსფორის ნაკლებობას შველის და ძვლების გამაგრებისაც უწყობს ხელს.

სპეციალისტები სოლარიუმის მოყვარულთ სიფრთხილეს ურჩევენ. გოგონებს ვერანაირი ძალა ვერ ჩაუხშობს გარეგნობის სრულყოფისკენ სწრაფვას, მაგრამ თუ არჩევანი ესთეტიურ სილამაზესა და ჯანმრთელობას შორის დგება, აჯობებს არჩევანი ამ უკანასკნელის სასარგებლოდ გააკეთდეს.

7 comments:

I-მედია said...

TAMTA, PIRVEL RIGSHI MINDA AGVNISHNO, ROM ZALIAN SAINTERESO TEMA SHEGIRCHEVIA. ES SAKITXI GANSAKUTREBIT AXALGAZRDOBISTVISAA AQTUALURI DA SAINTERESO.INPORMACIAC AMOMCURAVAD MOMECHVENA.MOMECONA AGRETVE IS, ROM BICHEBIS KOMENTAREBI GQONDA GAMOKENEBULI STATIASHI,RADGAN KOVELTVIS SAINTERESOA SAPIRISPIRO SQESIS CARMOMADGENLEBIS AZREBIS MOSMENA.TUMCA, ERT PATARA KOREQTIVS SHEVITANDI SHENIS NEBARTVIT,ROGORC VICIT SOLARIUMIT MXOLOD MANDILOSNEBI AR SARGEBLOBEN DA, VPIKROB, SAINTERESO IKNEBODA IMIS MOSMENA TU RA INTENSIVOBIT SARGEBLOBEN MAMAKACEBI "XELOVNURAD GARUJVIS" METODIT DA RAS PIKROBEN SOLARIUMSHI "GAZAGRUL" ZLIERI SQESIS CARMOMADGENLEBZE QALBATONEBI.SXVA MXRIV STATIA ZALIAN MOMECONA DA PIRADAD CHEMTVIS SAKMAOD SAINTERESO DA SACHIRO INPORMACIA MIVIGE.ARC AQAMDE VKOPILVAR,MAGRAM AMIS MERE GAMORICXULIA SOLARIUMS MIVAKITXOOO:-))MARI OZASHVILI

Unknown said...

თამთა,ძალიან საინტერსოა,მაგრამ ძალიან დიდია. მეც კარგად მესმის რა რთულია დიდი სტატიის შემოკლება, მაგრამ ჩვენი ჯგუფის სტატია რომ არ იყოს, ამეხლა სტატიას ინტერნეტში სოლარიუმებზე არ წავიკითხავდი. მით უმეტეს, რომ დიდად საგანგაშო და სასიცოცხლოდ მნიშვნელოვანი მოვლენები არ გვაქვს ხოლმე ჯერ სტატიებში.
ეს ალბათ იმიტომ მოხდა, რომ შენ შენს თემად სოლაურიუმი აიღე და არა ვთქვათ როგორ უღურებენ სოლარიუმს, ან მოხმარების წესები... მოკლედ სოლარიუმზე შენი ნაწერის მიხედვით მინიმუმ 3 თემა გამოდის.

ნინო გელაშვილი
p.s. ჩემი დავალებაც მალე იქნება და შენც შეგეძლება გამაკრიტიკო :D:D:D

I-მედია said...

თამთა,ძალიან საინტერსოა,მაგრამ ძალიან დიდია. მეც კარგად მესმის რა რთულია დიდი სტატიის შემოკლება, მაგრამ ჩვენი ჯგუფის სტატია რომ არ იყოს, ამეხლა სტატიას ინტერნეტში სოლარიუმებზე არ წავიკითხავდი. მით უმეტეს, რომ დიდად საგანგაშო და სასიცოცხლოდ მნიშვნელოვანი მოვლენები არ გვაქვს ხოლმე ჯერ სტატიებში.
ეს ალბათ იმიტომ მოხდა, რომ შენ შენს თემად სოლაურიუმი აიღე და არა ვთქვათ როგორ უღურებენ სოლარიუმს, ან მოხმარების წესები... მოკლედ სოლარიუმზე შენი ნაწერის მიხედვით მინიმუმ 3 თემა გამოდის.

ნინო გელაშვილი
p.s. ჩემი დავალებაც მალე იქნება და შენც შეგეძლება გამაკრიტიკო :D:D:D

I-მედია said...

tamta, gamarjoba! minda gitxra, rom dzalian momewona sheni nashromi. statiashi ashkarad chanda, rom gyavda konkretuli wyaroebi da respondentebsac shemtxveviti wesit ar archevdi. amis sapirispirod, respondentebis (vgulisxmob sami mamrobiti sqesis warmomadgenels) comentarebi asaxavda erTmanetisagan gansxvavebul midgomebs da karg warmodgenas gvazlevda imastan dakavshirebit, tu ra gansxvavebuli mosazrebebi sheidzleba arsebobdes am temis irgvliv. struqturuli tvalsazrisitac kargad iyo dalagebuli informacia ise, rom azri tanmimdevrulad agiqmeboda. shens girsebad mimachnia isic, rom miuxedavad statiis ziritadi nawilis solariumis saziano mxaristvis datmobisa, ar dagaviwyda aggeniSna misi dadebiTi mxarec da isic sworad gaTvale, rom es daaxloebiT statiis bolosken unda momxdariyo. Tumca, statias etyoboda, rom cota nachqarevad iyo akrefili :-)da ar pasuxobda lidshi gajgerebul frazas imis taobaze, rom "qartveli vajkacebic" irujebian xolme solariumis wyalobit. tamt, ertgan agniSnuli gaqvs, rom, rogorc respondentebi agniSnaven, solariumebi ar iwmindeba yoveli seansis shemdeg. chemTvis cota gaugebari iyo vin igulisxmeboda respondentebshi_tviton salonebis Tanamshromlebi(tumca, albat isini aset rames simartlestan shesabamisobis shemtxvevashic ar agnishnavdbnen) Tu solariumis servisis momxmareblebi(Tu asea, saidan aqvt mat es informacia.) erTi sityviT, dzalian momewona sheni statia da amas chemi komentaris moculobac mowmobs :-) warmatebebi da aseti mondomebit gaagrdzele ;-)
qeti tikanashvili

I-მედია said...

zalian kargia, saxalisod ikitxeda da advilad.

magram lidshi ro ambob kartveli vajkacebic daiarebian solariumsho mere rato agar ganavrcob cotati mainc? :))

salntereso respondentebi gxavs da shaesabamisad komentarebic kargia.

xochag tutana :))

I-მედია said...

zalian kargia ,informaciulia,msubuqad da saxalisod aris dawerili da rac mtavaria statia obieqturia!!!
nino(nuki)chabukiani

I-მედია said...

tamta statia momewona zalian zalian. informacia mowodebulia amomwuravad.
gisurveb warmatebebs!
nazi